गृहपाठ तपासणी रेकॉर्ड बुक विषयी थोडेसे

 

*li.गृहपाठ.तपासणी.रेकॉर्ड.बुक.il*

*गृहपाठ तपासणी रेकॉर्ड बुक विषयी थोडेसे.....*

त्याची link 👇👇👇या blog drive मध्ये

https://drive.google.com/file/d/1t5haq35xJpm6-E1FI3drGnwgN0S4hvxk/view?usp=drivesdk

*विद्यार्थ्यांच्या अभ्यासासाठी एक परिणामकारक उपक्रम*

*(मी मागील 10 वर्षांपासून उपयोगात आणलेला व 100% रिझल्ट देणारा उपक्रम)*

*li.महाराष्ट्रात.अनेक.शिक्षकांनी.अनेक.उपक्रम.राबवले.आहेत.तुम्ही.हा.उपक्रम.राबवून.पहा.il*

*माझ्या शिक्षक मित्रांनो,*

*तुम्ही वर्गात खुप चांगले अध्यापन करता. घरी विद्यार्थ्यांना गृहपाठ / घरचा अभ्यास देता. पण सर्वच शिक्षकांचे सर्वात मोठे दुर्देव की बरेच विद्यार्थी दिलेला गृहपाठ वेळेवर पूर्ण करत नाहीत. गृहपाठाच्या वह्याही वेळेवर तपासायला देत नाहीत किंवा खूप उशिरा तपासायला देतात. काही विद्यार्थी शिक्षकांनी अभ्यास दिलाच नाही असे खोटेच आपल्या पालकांना सांगतात. काही पालक वेगळ्या स्वभावाचे असतात. आपल्या मुलांवर त्यांना नको तेवढा विश्वास असतो व त्यामुळे माझा मुलगा खोटे बोलणार नाही, तुम्ही अभ्यास देत नाही तसेच तपासतही नाही शाळेत काय करता?*

*असे उर्मटपणे शिक्षकांशी बोलतात. बऱ्याच वेळा काही वेगळ्या वृत्तीचे मुख्याध्यापकही शिक्षकांवर अविश्वास दाखवतात.*

*या सर्वांवर पर्याय म्हणून मी हे गृहपाठ तपासणी रेकॉर्ड बुक बनवले आहे. यात विद्यार्थ्यांनी गृहपाठ केला की नाही, वेळेवर तपासुन घेतला की नाही याची शालेय वर्षातल्या प्रत्येक दिवसाची नोंद होते. वर्गात प्रत्येक विषयाच्या मॉनिटरला हे काम विभागुन देवुन आपण सहज आपल्या प्रत्येक विद्यार्थ्याच्या वर्षभरातील प्रत्येक दिवसाच्या अभ्यासची नोंद ठेवु शकतो.*

*📕रेकॉर्ड बुक चे स्वरुप व उपयोग कसा करावा?📕*

*1️⃣ शब्दार्थ तपासणी रेकॉर्ड बुक 1️⃣*

*१] इंग्रजी - दररोज इंग्रजीचे नवीन पाच शब्द पाठांतर व शब्दार्थ वहीत पाच वेळा लिहीणे. हे शब्द वर्गातील इंग्रजीचे मॉनिटर दररोज तपासतील. जो विद्यार्थी शब्द पाठांतर करेल त्याच्या त्या दिवशीच्या तारखेच्या बॉक्स मध्ये ची खुण करावी व जो पाठांतर करणार नाही त्याच्या त्या दिवशीच्या तारखेच्या बॉक्स मध्ये x ची खुण करावी. जो विद्यार्थी दुसऱ्या दिवशी अभ्यास दाखवेल त्याच्या आदल्या दिवशीच्या तारखेच्या बॉक्स मध्ये या खुणेच्या बाजुला लाल शाईच्या पेनने अशी खुण करावी. यामुळे त्या विद्यार्थ्याने दुसऱ्या दिवशी किंवा नंतर अभ्यास पूर्ण केला हे कळेल. विद्यार्थी जर गैर्हजर असेल तर त्याच्या त्या दिवशीच्या तारखेच्या बॉक्स मध्ये 'A' [गैरहजर]ची खुण करावी.*

*२] मराठी व हिंदी - पाठात आलेले नवीन शब्दार्थ व जोडशब्दांचे दररोज पाच शब्द याप्रमाणे वर दिलेल्या पद्धतीनुसार अभ्यास करुन घेणे व प्रत्येक विद्यार्थ्यांची नोंद ठेवणे.*

*2️⃣ वाचन तपासणी रेकॉर्ड बुक 2️⃣*

*दर आठवड्याला एखाद्या दिवशी शक्यतो शनिवारी मराठी, हिंदी, इंग्रजी या विषयांच्या पाठांचे वाचन घेणे व त्याची पुढीलप्रमाणे नोंद करणे*

*१] विद्यार्थी जर चांगले वाचन करत असेल तर त्याच्या रकान्यासमोर ३ गुण लिहावेत*

*२] विद्यार्थी जर थोडे अडखळत वाचन करत असेल तर त्याच्या रकान्यासमोर २ गुण लिहावेत*

*३] विद्यार्थी जर खूप अडखळत वाचन करत असेल तर त्याच्या रकान्यासमोर १ गुण लिहावा*

*४] विद्यार्थी जर अजीबात वाचन करत नसेल तर त्याच्या रकान्यासमोर 0 गुण लिहावेत*

*५] विद्यार्थी जर गैरहजर असेल तर त्याच्या त्या दिवशीच्या तारखेच्या रकान्यात A ही गैरहजर ची खूण करावी*

*3️⃣ साप्ताहिक परिक्षा तपासणी रेकॉर्ड बुक3️⃣*

*१] दर आठवड्याला प्रत्येक विषयाचा एकेक धडा/ प्रकरण यावर आधारित साप्ताहिक परिक्षा घेवुन त्यात मिळणारे गुण त्या त्या विद्यार्थ्याच्या रकान्यात नोंद करुन ठेवावेत. साप्ताहिक परीक्षेसाठी वेगळी वही करावी*

*२] विद्यार्थी जर गैरहजर असेल तर त्याच्या त्या दिवशीच्या तारखेच्या रकान्यात 'A' [ गैरहजर] ची खुण करावी.*

*4️⃣गृहपाठ तपासणी रेकॉर्ड बुक4️⃣*

*दर आठवड्याला ठराविक दिवशी विषयाचा गृहपाठ तपासणे व तारखेच्या रकान्यामध्ये वर सांगितल्याप्रमाणे नोंद ठेवणे.*

*5️⃣ निबंध, प्रयोगवही, कार्यानुभव-वही, शारिरीक शिक्षण-वही, संगणक तपासणी रेकॉर्ड बुक5️⃣*

 *दर पंधरवाड्याला वरील वह्या तपासणे व त्या तारखेच्या रकान्यामध्ये वर सांगितल्याप्रमाणे नोंदी करणे*

📕📕📕📕📕📕📕

*मित्रांनो हा प्रकल्प मी स्वतः राबवला आहे व त्याचा अतिशय उत्तम असा रिझल्ट मिळाला आहे*

*इतर अनेक शिक्षकांनी अनेक आपल्या शाळेच्या विकासासाठी अनेक प्रकल्प राबवले आहेत. तुम्ही हा छोटा प्रकल्प राबवून पहा विद्यार्थ्यांचा नक्कीच फायदा होईल*

*🫂जनहीतार्थ जारी🫂*

     *🇮🇳 जय हिंद 🇮🇳*