Online study with PRASHANT PENDHE या इ १ली मातृभाषा विषयासाठी तयार केलेली ही प्रश्नपेढी क्षमताधिष्ठित अभ्यासक्रमावर आधारित आहे यामध्ये इ १ली मातृभाषेच्या एकूण ९ क्षेत्रांमधील १९ क्षमतांचा समावेश केला आहे
या प्रश्नपेढीतील प्रत्येक क्षमतेवरील प्रश्न व प्रश्नसंच हे त्या क्षमतेची व्याप्ती आणि आशय विचारात घेऊन काढले आहेत. तसेच हे प्रश्न विद्यार्थ्यांचे वय, त्यांचे अनुभवविश्व विचारात घेऊन तयार करण्यात आले आहेत
शाळापातळीवर घेतल्या जाणाऱ्या चाचण्यांमध्ये सर्वसामान्यपणे लेखन, वाचन, आकलन या क्षेत्रांवर भर देण्यात येतो. पण श्रवण, भाषण, कार्यात्मक व्याकरण, स्वयंअध्ययन, भाषेचा व्यवहारात उपयोग ही क्षेत्रे काहीशी दुर्लक्षित राहतात. या क्षेत्रांसाठी तोंडी, लेखी, प्रात्यक्षिक प्रश्नप्रकारांचा समावेश या प्रश्नपेढीत करण्यात आला आहे याशिवाय विविध प्रश्नांसाठी समांतर प्रश्नसंच देण्यात आले असून या सर्व प्रश्नसंचांतील उपप्रश्नांची रचना काठिण्यपातळीनुसार केली आहे चाचणी सोडविताना विद्यार्थ्यांच्या कृतिशीलतेला वाव मिळावा, बुद्धीला चालना मिळावी या हेतूने या प्रश्नपेढीत पाठ्यपुस्तकाबाहेरील साहित्याचा समावेश करण्यात आला आहे त्याचप्रमाणे शिक्षकांनी शालेय पातळीवर क्षमता चाचणी तयार करताना पाठ्यपुस्तकाबाहेरील उतारे, बडबडगीते, गाणी, कविता, कथा यांचा उपयोग करावा अशी अपेक्षा आहे
🙋🏻♂️ *पुढील अपडेट साठी व्हाट्सअप ग्रुप ला add व्हा .*
👇👇👇👇👇👇👇👇👇👇👇👇👇
https://chat.whatsapp.com/K9surzEkLeVJJqnaDKjPGB?mode=wwt
*"𝐉 ᴏ ɪ ɴ 𝐀 ʟ ʟ " 🌷*
*----🇷🇲🇩🅿️🅿️----*
क्षमता
१.१.३)परिचित (नेहमीच्या) प्रसंगात केलेली तोंडी विनंती व दिलेल्या सूचना समजणे.
शिक्षकांसाठी सूचना
या क्षमतेअंतर्गत 'परिचित प्रसंगामध्ये केलेली तोंडी विनंती व दिलेल्या सूचनांचे समजपूर्वक पालन' हा भाग तपासावयाचा आहे. शिक्षकांनी ५ ते १० मुलांचा गट करावा, त्यांना प्रत्येकी ५ सूचना देऊन प्रतिसादाच्या नोंदी स्वतंत्र प्रपत्रात कराव्यात. निवडलेल्या ५ सूचनांचा क्रम योग्य राहील याची दक्षता घ्यावी.
१ सूचना ऐका व कृती करा.
१. उभे राहा
२. हात वर करा.
३. हात खाली करा.
४. उजवा हात वर करा.
५. डावा हात वर करा.
६. एक टाळी वाजवा.
७. दोन टाळ्या वाजवा
८. उजवीकडे पाहा.
९. डावीकडे पाहा.
१०. मागे वळा.
११. पाटी काढा.
१२. पुस्तक काढा.
१३. वर पाहा.
१४. समोर पाहा.
१५. एक उडी मारा.
१६. दोन उड्या मारा.
१७. उडी मारून खाली बसा.
१८. दोन्ही हात कंबरेवर ठेवा.
१९. दोन्ही हात डोक्यावर ठेवा.
२०. खाली वाका,
२१. ताठ उभे राहा.
२२. दोन्ही हात डोळ्यांवर ठेवा.
२३. कागद उचला.
२४. कचरा उचला.
२५. कचरा टोपलीत/पेटीत टाका.
२६. खिडकी लावा.
२७. खिडकी उघडा.
२८. झाडू आणा.
२९. झाडून काढा.
३०. झाडाला पाणी घाला.
३१. खाली बसा.
३२. मित्राला पेन्सिल द्या.
३३. ओळीने बाहेर जा.
३४. मांडी घाला.
३५. हाताची घडी घाला.
३६. ताठ बसा.
३७ हात जोडा.
३८. पाटीवर दुरेधी ओढा.
३९. पाटी पुसा.
४०. स्वतःभोवती एक फेरी मार
४१. फळ्याजवळ जा.
४२. फळा पुसा.
४३. डस्टर/ फडके टेबलावर ठेवा.
४४, जागेवर जाऊन बसा.
४५. पाटीवर गोल काढा.
४६. पाटी दप्तरात ठेवा.
२ विनंती
१. सुधीरला पेन्सिल देशील ?
२. झाडांना पाणी घालशील ना ?
३. राणीला थोडा वेळ पाटी दे हं !
४. उषा आजारी आहे. तिच्यासोबत घरी जातेस का ?
५. मधूचे पुस्तक दप्तरात ठेवशील का ?
..
